नबिन के.सी
अर्घाखाँची
सोमबार थप ७ जनामा कोरोना संक्रमण पुष्टी भएको छ । सात जना मध्ये पाँच जना समुदाय स्तरका व्याक्तिहरुमा संक्रमण देखिएको स्वास्थ्य कार्यालय अर्घाखाँचीका सूचना अधिकारी बिजय बरालले जानकारी दिए । ‘ केहि दिन पहिले जिल्ला अस्पताल र स्वास्थ्य कार्यालय अर्घाखाँचीमा कार्यरत स्वास्थ्य कर्मीमा कोरोना संक्रमणको पुष्टी भए पछि कन्ट्रयाक टेसिङ्गको आधारमा १ सय ११ जनाको स्वाब संकलन गरिएकोमा १०४ जनाको नेगटिभ आएको छ । भने ७ जना पोजेटिभ देखिएका छन ’ । सोमबार सन्धिखर्क नगरपालिकाका ६ जना र सितगंगा नगरपालिकाका १ जनामा कोरोना संक्रमण पुष्टी भएको हो । । एक जना जिल्ला अस्पतालमा कार्यरत स्वास्थ्य कर्मि र उनको छोरा , अन्य कार्यालयका कर्मचारीहरु २ जना , तरकारी व्यबसाय गर्ने १ जना , दुई जना भने भारतबाट आई होम क्वारेन्टाइनमा बस्दै आएका व्याक्तिहरुमा कोरोना संक्रमण पुष्टी भएको छ । होम क्वारेन्टाईनमा बसेकाहरुले स्वास्थ्यको मापदण्ड पुरा गर्न नसक्दा समुदाय स्तरमा कोरोना संक्रमण फैलने जोखिम रहेको स्वास्थ्य कार्यालयका सूचना अधिकारी बरालले बताए । जिल्लामा ३ सय ६१ जना कोरोना संक्रमित रहेका छन । सक्रिय संक्रमितको संख्या २५ रहेको छ । कोरोनाका कारण जिल्लामा ३ जनाको मृत्यू भएको छ ।
No comments:
Post a Comment