जनस्वास्थ्य कार्यालयमा कार्यरत दुई जना स्वास्थ्यकर्मी, एक कार्यालय प्रमुखसहित १२ जनालाई कोरोना संक्रमण पुष्टि भएपछि सोमबारदेखि अर्घाखाँची अस्पतालको इमर्जेन्सी र प्रसूतिबाहेक अन्य सेवा अनिश्चितकालका लागि बन्द गरिएको छ । आइतबार स्वास्थ्यकर्मीसँग सम्बन्धित व्यक्ति र कार्यालय प्रमुख, कर्मचारीसहित ६२ जना र सोमबार अर्घाखाँची अस्पताल प्रमुखसहित ५ डाक्टर र अन्य स्वास्थ्यकर्मी गरी ४० जनाको स्वाब भैरहवा पठाइएको जिल्ला जनस्वास्थ्य कार्यालयका निरीक्षक गणेशराज पौडेलले बताए। अस्पतालको आकस्मिक र प्रसूति सेवा सुचारु गर्न यसअघि पीसीआर रिपोर्ट नेगेटिभ आएका तिन जना चिकित्सक र चार जना स्वास्थ्यकर्मी खटिएका आफूसहित ५ डाक्टरको रिपोर्ट नआउँदासम्म आइसोलेसनमा बस्ने जिल्ला अस्पतालका डा कपिल गौतमले बताउनु भयो ।
No comments:
Post a Comment