बिजय के सी अर्घाखाँची
मालारानी गाउँपालिका वडा नं. ४ खनकोसाविकका १ देखि ५ वडा अन्तर्गतका बतासेडाँडा, नुगालिटोला, बाटामाथी, पिङ्ग्ला, जवाह, गौमुखेधारा र बाटामुनीटोलमा वडा कार्यालयले अर्को सूचना जारी नगरुन्जेलसम्मको लागी पूर्ण रुपमा निषेधाज्ञा जारी गरिएको छ भने बाँकी सम्पूर्ण वडा तथा टोलहरुमा पनि कोरोना रोग नियन्त्रण सम्बन्धि सुरक्षा तथा सावधानीका उपायहरु अपनाएर अत्यावश्यक कार्यहरु गर्न पाइनेछ । निषेधाज्ञा जारी गरिएको क्षेत्रमा भने अत्यावश्यक कामले घर वा आफ्नो टोलभन्दा बाहिर जानू परेमा वडा कार्यालय खन र ईलाका प्रहरी कार्यालय खन देउराली दुवै ठाँउमा जानकारी गराई आदेश लिनुपर्नेछ । साथै आज वडा नं. ४ का अध्यक्ष विष्णुप्रसाद पोखरेल, जनप्रतिनिधि अशोक भुसाल, स्वास्थ्य चौकि खनका अ हे व राजेन्द्र खनाल, ईलाका प्रहरी कार्यलय खनका सुरक्षाकर्मी साथै वडा स्तरीय कोरोना नियन्त्रण तथा रोकथाम प्रचारप्रसार संयोजक बसन्त चौहानको संयुक्त टोलिले ४ नं. वडाको बस्तीहरुमा गइ निषेधाज्ञा बारेमा सूचना प्रचारप्रसार गर्नुभएको थियो । वडाध्यक्ष विष्णुप्रसाद पोखरेलले सबै स्थानीय बासिन्दाहरुलाई वडा कार्यालयले गरेको निर्देशनलाई अक्षरस पालना गर्नको लागि अनुरोध गर्नुभएको छ ।
No comments:
Post a Comment