कोरोना संक्रमितको उपचारमा संलग्न १० जनाको पिसीआरको नमुना संकलन

  बिजय के सी
 रेडियो मालारानी अर्घाखाँची
                                       जिल्लाको सन्धिखर्कमा उपचार पछि रिफर गरिएका व्याक्तिमा कोरोना पुष्टी भएपछि छाया पोली क्लिनीक  शिल गरिएको छ ।  गुल्मीको मदाने गाउँपालिका–६ पुर्कोटदहका ४१ वर्षिय शिक्षक उपचारको लागी बैशाख ३१ गते उपचारकोलागी सन्धिखर्क आएका थिए । सङ्क्रमण पुष्टि भएसँगै शिल गरिएको अर्घाखाँचीका प्रमुख जिल्ला अधिकारी विजयराज पौडेलले जानकारी दिए । ‘हामिले पोलिक्लीनि शिल गरेर उपचारमा संलग्न भएकाहरुको पिसिआर जाचँ गर्ने गरि तयारी गरेका छौ । ’ संक्रमित व्याक्तिमा निमोनिया देखीएपछि थप उपचारको लागी बुटवल रिफर गरेको पोलिक्लिीनका प्रमुख दलबहादुर के.सीले बताए ।‘संक्रमित व्याक्तिको एक्सरे गर्दा फोक्सोमा समस्या देखिएपछि बुटवल रिफर गरेका हौ । गौतमबुद्ध मुटु अस्पतालको एम्बुलेन्स अर्घाखाँची आएको रहेछ । त्यसैमा जानु भएको हो । ’ बुटवलको क्रिमसन अस्पतलामा उपचार गर्ने क्रममा जेष्ठ २ गते उनको पिसीआर संकलन गरिएको थियो सोमबार उनमा कोरोना संक्रमणको पुष्टी भएको छ । संक्रमितको उपचारमा संलग्न भएका डाक्टर सहित ९ जनाको अहिले स्वाब संकलन गरिएको अर्घाखाँची अस्पतालका प्रमुख डाक्टर कपिल गौतमले बताए । ‘ संक्रमित व्याक्तिको उपचारमा संल्गन भएका डाक्टर सहित ९ जना स्वास्थ्यकर्मीको पिसीआर नमुना प्रदेशमा पठाएका छौ  । ’

संक्रमित व्याक्तिको घर शिल

गुल्मीको मदाने गाउँपालिका वडा नं ६ पुर्कोटमा संक्रमित व्याक्तिको घरमा अहिले शिल गरिएको छ । उनि संग सम्पर्कमा रहेकाहरुको खोजिकार्यलाई तिब्रता परिएपनि संक्रमण कसरी भयो भन्नेमा आफुहरु आश्चर्यमा परेको पालीका अध्यक्ष दानबहादुर के.सीले बताए । ‘उहाँ पेशाले शिक्षक हुनुहुन्छ । लकडाउनको समयमा भारत तथा अन्यमूलुकबाट आएकाहरु संग पनि प्रत्यक्ष सम्पर्कमा नभएको अबस्थामा संक्रमण देखीनुले आश्चर्यमा पारेको छ । मदाने गाउँपालिकालाई शिल गर्ने बिषयमापनि छलफल भएको अध्यक्ष केसीले बताए । गाउँपालिका भित्रने सम्पूर्ण नाकामा स्वमसेबकहरु परिचालन संगै हेल्थ डेक्स स्थापना गरिएको छ । मदाने गाउँपलिका अहिले भारत तथा कपिलबस्तुबाट आएका ९ जना क्वारेन्टाइनमा राखिएको छ । मदाने गाउँपलिका संग जोडिएको मालारानी गाउँपालिले सिमानामा स्वमसेबक परिचालन गरि आबजावतमा कडाइ गर्ने निर्णय भएको पालिका अध्यक्ष बालकृष्ण आचार्यले बताए । ‘कार्यपालिकाको बैठक बसेर सिमानाकामा कडाइ गर्ने गरि निर्णय गरेका छौ । अब स्वमसेबक शिक्षक र राजनैतिक दलसंग सम्बन्धीत रहेका भातृसंगठनहरुलाई समेत परिचालन गर्ने छौ । ’

Share: