लकडाउनको समयमा जुम्लाको हिमा गाउँपालिकाले मिति नाघेको नुन बाँडेको भन्दै स्थानीयले विरोध जनाएका छन् । गाउँपालिकाले नेपाल साल्ट ट्रेडिङ कार्यालय सिञ्जा डिपोबाट वितरण गरेको नुन सन् २०१६ र २०१७ को भएको भन्दै स्थानीयले विरोध जनाएका हुन् । स्थानीय प्रशासनले तीन दिनमा नुनको गुणस्तरबारे जानकारी दिन साल्ट ट्रेडिङलाई अल्टिमेटम दिएको छ ।
साथै अर्को व्यवस्था नभएसम्म नुन वितरण नगर्न भन्दै गाउँपालिकालाई बोधार्थ गरेको छ । प्रशासनले गृह मन्त्रालय शान्ति सुरक्षा तथा अपराध नियन्त्रण शााखालाई बोधार्थ गरेको प्रमुख जिल्ला अधिकारी दुर्गा बञ्जाडेले जानकारी दिनुभयो ।
नेपाल साल्ट ट्रेडिङ जुम्लाका निमित्त कार्यालय प्रमुख खगेन्द्रबहादुर मल्लले गाउँपालिकालाई पत्र लेखेर प्रतिक्रिया दिनुभएको छ । गाउँपालिका प्रमुख प्रशासकीय अधिकृत टोपबहादुर बुढाले हरेक घरधुरीमा २५ केजी नुन वितरण गरिएको जानकारी दिनुभयो ।
No comments:
Post a Comment