नवलपरासी दुर्घटना अपडेट : ज्यान गुमाउनेमध्ये तीन जनाको परिचय खुल्यो

नवलपरासी – कावासोती नगरपालिका –८ खरकट्टामा भएको दुर्घटनामा ज्यान गुमाउने पाँच जनामध्ये तीन जनाको परिचय खुलेको छ । 

ज्यान गुमाउनेमा देवचुली नगरपालिका –१, केउरेनी बस्ने दीपक भनिने पूर्ण बहादुर विक, देवचुली –५ बस्ने दिलबहादुर ढेंगा मगर र कैलाली घर भएका सुरज राना मगर रहको जिल्ला प्रहरी कार्यालय नवलपरासी पूर्वका प्रहरी निरीक्षक राजेन्द्र अधिकारीले बताउनुभयो ।

ज्यान गुमाउने अन्य दुई जना पुरुषको परिचय खुल्न सकेको छैन ।

सोमबार राति सवा १० बजे पूर्वी नवलपरासीको कावासोती –८ खरकट्टामा पुर्वतर्फ जाँदै गरेको लु १ ख ८५३२ नम्बरको ट्रक र विपरित दिशाबाट आउँदै गरेको बा २१ च ६४०९ नम्बरको कार एक आपसमा ठोक्किँदा दुर्घटना भएको थियो ।

दुर्घटनामा कारमा रहेका पाँच जनाको ज्यान गएको थियो ।

Share:

Read More

भ्रमको खेती नगर्न मालारानी गाउँपालिकाको आग्रह

बिजय के सी 
अर्घाखाँची
            मालारानी गाउँपालकाले भ्रमको खेती गरि सस्तो लोकप्रियता कमाउन भन्दा पनि सत्य तथ्य बुझन आग्रह गरेको छ । मालारानी गाउँपालिकाका शिक्षा अधिकृत रमेश पन्थीले सत्यको गहिराईमा नपुगी आफनो मनका लागेको कुरालाई सञ्चार माध्यममा नराख्न आग्रह गरे ‘मालारानी गाउँपालिकाको शिक्षा संग सम्बन्धीत कलम चलाउँदा के भएको हो भनेर हामी संग बुझनेकी जे मनमा लाग्यो त्यही लेख्ने । जसरी कानुन हातमा लियो भनिएको छ । हामिले शिक्षा सम्बन्धी ऐन कानुन ,कार्यबिधी पारित गरेर काम सुरुवात गरेका छौ । शिक्षक नियुक्तिमा ३ महिना पुगेपछि पुर्न अनुमति लिन शिक्षा समन्वयमा जानुपर्नेभन्ने कानुनी व्यबस्था कहाँ छ ? मलाई बैनी भर्ना गर्यो भनको समेत लेखेको देखे , त्यसमा प्रस्ट पार्नु पर्दैन ,मेरो बहिनी कोही पनि नेपाल सरकारको तलब भत्ता खाने गरि सरकारी सेबामा छैन्न । यसरी सत्य भन्दा बाहिर रहेर उपकथा नलेख्न आग्रह गर्दछु । ’ मालारानी गाउँपालिकाले प्राथामिक तहको बिद्यालय समायोजन र शिक्षक दरबन्दी मिलानको कार्य सम्पन्न गरि सकेको पन्थीले जानकारी दिनु भयो । ‘हामिले संघियताको मर्म अनुरुप प्राप्त अधिकारहरुलाई प्रयोग गरेर कार्य प्रारम्भ गरेका छौ । बिद्यार्थी संख्या भन्दा शिक्षक संख्या बढि भएका बिद्यालयहरुमा बिद्यार्थीको सख्याँको आधारमा शिक्षक पठाने काम त राम्रो हो जस्तो लाग्दछ । जस्बाट हामिले शिक्षाको गुणस्तर सुधार गर्न सहयोग पुगेको छ । ’ मालारानी गाउँपालिकाले गर्ने सबै कार्यहरु मितव्यी रुपमा गरिएको र पत्रकारीता क्षेत्रको खिल्ली उठाउने गरि भ्रम फैलाउने र पत्रकारीता जगतलाई धमिलाउने काम भएको पन्थीले बताए । ‘समाजिक सञ्जालमा आएको उक्त बिषयमा कुनै सत्यता छैन । आर्थिक बर्ष २०७४÷०७५ मा समेत डकुमेन्ट्री निर्माणमा कर्मचारी मिलेर पैसा खाए भनिएको उक्त शिर्षकमा कुनै बजेट बिनियोजननै भएको छैन । फर्निचर र कम्पूयुटर जनप्रतिनिधी आउनु भन्दा पहिला कार्यालय व्यबस्थापन भनेर स्थानीय तहको संरचना निर्माणको बेलामा ६० लाख रुपैया आएको थियो । तर अहिले सम्म पनि ९ वटा वडा , पालिका , पालिकाको शाखाँहरुको लागी पनि त्यती रकम खर्च भएको छैन । यो पनि मितव्यी भएको होला । ’पालिका अध्यक्षले गाडि सञ्चालन गरेको भन्ने कुरा पालिका अध्यक्ष निर्बाचित हुनु भन्दा पहिलेनै गाडि भएको अबस्था , जुन छुट् भिन्न भएको अबस्थामा परिबारको अन्य सदस्यले कारोबार गर्न नपाउने पनि हुन्न होला ? अध्यक्षले हाम्रो परिबाबरको गाडि नराख भनेर भन्दा पनि प्रतिस्पार्धामा सस्तोमा दिए पछि राख्नु पर्दछ भन्ने कार्यालयको भनाई अनुसारनै गाडि भाडामा लिएर चलाएको अबस्थाहो । ’ उखु कतिमा किनियो भन्ने बिषयमा पनि घाम जस्तै र्छलङ्ग छ । खरिद गर्ने किसान र बितरण गरिएका किसानहरुको नाम सहित फोन नम्बर उपलब्ध छ ? सबै जनालाई सोधेर स्पष्ट हुन सक्नुहुन्छ । ’

Share:

Read More

बिरामी बोकेको गाडी अरुण नदीमा खस्यो, ६ जना बेपत्ता

संखुवासभा – सदरमुकाम खाँदबारीमा रहेको जिल्ला अस्पतालबाट बिरामी बोकेर धरान जाँदै गरेको गाडी अक्करको भीरबाट अरुण नदीमा खस्दा ६ जना बेपत्ता भएका छन् ।

मंगलबार साँझ साढे ८ बजेतिर खाँदबारीबाट धरान हिँडेको को १ ज ३७४९ नम्बरको बोलेरो जीप करिब साढे १० बजेतिर धर्मदेवी नगरपालिकामा पर्ने अक्करको भीरबाट अरुण नदीमा खसेको हो । मंगलबार खाँदबारी अस्पतालमा खाँदबारी–९ का प्रमेश थापामगर र उनकी भाउजु कल्पना थापामगरको २ महिनाको छोरा समिर श्रेष्ठ बिरामी भएपछि अस्पताल भर्ना गरिएको थियो ।प्रमेश मिर्गौलाका बिरामी हुन् भने समिरलाई निमोनिया भएकाले जिल्ला अस्पतालमा उपचार सम्भव नभएकाले धरानस्थित वीपी मेमोरियल स्वास्थ्य विज्ञान प्रतिष्ठान रिफर गरिएको जिल्ला अस्पतालका डा. किसन नेपालीले बताउनुभयो । जीपमा बिरामीको साथमा समिरको आमा कल्पना, प्रमेशका बुबाआमा संगम श्रेष्ठ र सदीक्षा श्रेष्ठ र चालक सन्तोष विश्वकर्मा रहेको बताइएको छ ।जिल्ला अस्पतालबाट रिफर भएका बिरामी नै बोकेर गएको गाडी दुर्घटना भएको हो अथवा अरु नै गाडी दुर्घटना भएको हो भन्ने बारेमा अहिलेसम्म एकिन हुन नसकेको जिल्ला प्रहरी कार्यालय संखुवासभाका प्रहरी सहायक निरीक्षक (असई) टंक बाह्रकोटीले जानकारी दिनुभयो । उहाँको अनुसार, घटनाको बारेमा जानकारी प्राप्त हुनसाथ घटनास्थलतर्फ जिल्ला प्रहरी कार्यालयबाट प्रहरी निरीक्षक (इन्स्पेक्टर) सहितको टोली गइसकेको तर मौसम खराबीको कारण सम्पर्क हुन नसकिरहेको बताउनुभयो । रातको समयको दुर्घटना भएकाले बेपत्ताको खोजी कार्य हुन सकेको छैन । अरुण खोलामा बाढी आएका कारण उनीहरुको खोजीमासमेत समस्या भइरहेको छ । घटनाबारे विस्तृत जानकारी आइनसकेको जिल्ला प्रहरी कार्यालय संखुवासभाले जनाएको छ ।

Share:

Read More

जण्डिस निको पार्ने भन्दै 'झाँक्री'ले बिरामीकाे पेट चिरेर रगत चुसे

उपचारको बहानामा नीलकण्ठ नगरपालिका वडा नम्बर ९ का ३९ वर्षीय राजु मगरको पेटमा एक जना झाँक्रीले प्वाल पारिदिएका छन् । 

पेटमा ब्लेडले चिरेर प्वाल पारेपछि दुई महिनादेखि जण्डिसले बिरामी परेका मगर झन समस्यामा पर्नु भएको छ ।  धादिङको नीलकण्ठ नगरपालिका वडा नम्बर ३ का गजबहादुर लामाले मोटो रकम लिएर पेट चिरेर छाडेका थिए । 

जिल्ला अस्पतालको आकस्मिक कक्षमा उपचारका लागि भर्ना भएका मगरको अवस्था गम्भीर भएकाले थप उपचारका लागि बुधबार काठमाण्डौमा रहेको वीर अस्पताल पठाइएको छ । 

गएको भदौ १५ गते पेट चिरेर उपचार गरेको भन्दै झाँक्रीले रगत समेत चुसेको जिल्ला अस्पतालमा उपचार गराइरहेका मगरले बताउनुभयो । २ महिनादेखि जण्डिसले बिरामी परेका मगर झाँक्रीले निको पार्ने विश्वासमा लामाकोमा पुग्नु भएको थियो  ।

उपचारका क्रममा झाँक्रीले विकार तानेर यस धेरैलाई निको पारेको बताएका थिए ।। जण्डिस तानेको, औषधि दिएको र विकार तानेको भनेर बिरामीसँग ८ हजार ३ सय ८० रुपैयाँ लिएर झाँक्रीले ब्लेडले पेट चिरेको मगरकी श्रीमती विमलाले जानकारी दिनुभयो । सुई लगाएर पेट चिरेका लामाले बिरामीकी श्रीमती र सँगै गएकी बहिनीलाई बाहिर निकालेका थिए । पेट चिरेपछि आएको रगत समेत झाँक्रीले चुसेर एउटा बाटामा थुकेको मगरले बताउनुभयो ।

ज्याला मजदुरी गरेर परिवार पाल्दै आएका मगरको अहिले आर्थिक अवस्था कमजोर भएकै कारण उपचारमा समेत समस्या भएको विमलाको भनाइ छ ।

लामा तान्त्रिक विधिद्वारा उपचार गराउँदै आइरहेका विवादित व्यक्ति हुन् । यसअघि पनि उनी पटक–पटक विवादमा आएका थिए । ३ वर्षअघि पनि धादिङ मूलपानीकै एक महिलाको पेटमा रहेको ५ महिनाको बच्चा उपचार गर्ने बहानामा हातैले निकालेर फालिदिएका थिए । त्यसपछि ती महिलालाई प्रहरीकोमा उजुरी गर्न भनिए पनि लामा झाँक्रीले डरधम्की देखाएर तर्साएपछि उजुरी गर्न गएर पनि उजुरी नगरी फर्केको मानवअधिकारकर्मी राधिका सापकोटाले जानकारी दिनुभयो ।

लामो समयदेखि यस किसिमको उपचार गरेर धेरै मानिसको पेट चिरेर बिरामी निको पारेको बताउने झाँक्री विगतमा राजनीतिक संरक्षणमा कारबाहीबाट उन्मुक्ति पाउँदै आएका छन् ।

घटनाको सम्बन्धमा जिल्ला प्रहरी कार्यालयका अनुसन्धानमा खटिनुभएका प्रहरी निरीक्षक मोतिराम भट्टले जिल्ला प्रहरी कार्यालयमा उजुरी परेकोले आवश्यक कारबाही गरिने बताउनुभयो । 

Share:

Read More

भगवतीमा छत्रदेब गाउँपालिका-७ वडाअध्यक्षको मोटरसाइकलमा अज्ञात समूहद्वारा आगजनी

भगवती, अर्घाखाँची भदौ १७  ।  अर्घाखाँची जिल्लाको छत्रदेब गाउँपालिका वडानम्वर ७ भगवतीका वडाअध्यक्ष शोभाखर पाण्डेले चढ्दै आएको लु १ ब १६८८ नम्बरको मोटरसाईकलमा गएराती अज्ञात समूहले आगजनी गरेको छ । 

पाण्डेको घरभन्दा माथी बाटोमा पार्किङ् गरी राखीएको सरकारी नम्बर प्लेटको मोटरसाईकलमा आगजनि भएको जिल्ला प्रहरी कार्यालय अर्घाखाँचीका प्रहरी प्रमुख प्रहरी नायव उपरीक्षक प्रकाश बिष्टले जानकारी दिए । 

आगजनी गर्नेको खोजि कार्य भैरहेको बिष्टले बताए । बिहान करीब साढे ४ देखी पौने ५ बजेको समयमा मोटरसाईकलमा आगजनि भएको हुनसक्ने अनुमान गरेको अध्यक्ष पाण्डेले टेलिफोन मार्फत जानकारी दिए ।

Share:

Read More

सार्वजनिक शौचालयको हालत : पिसाब गर्न जाँदा बान्ता हुने डर !

सुनसरीका विनोद भट्टराई काम विशेषले सुन्धारामा हुनुहुन्थ्यो । पिसाबले च्यापेपछि नजिकै रहेको आकाशे पुलमुनिको सार्वजनिक शौचालयमा पस्नुभयो ।

शौचालय यति फोहोर थियो कि नाक र मुख मात्रै थुनेर सुख पाइएन । पेट बटारिएर बान्ता नै आयो । ‘पिसाब गर्न जाँदा बान्तासमेत गर्नुपर्‍यो’, उहाँले आफ्नो व्यथा पोख्नुभयो । उहाँको यो भोगाइ काठमाण्डौका सडकमा हिँडडुल गर्ने धेरैको साझा व्यथा हो । पहिलो कुरा त, काठमाण्डौका धेरै ठाउँमा सार्वजनिक शौचालय नै छैनन् । भएकामा पनि पस्नै नसक्ने दुर्गन्ध र फोहोर छ ।

काठमाण्डौ उपत्यकामा सबैभन्दा बढी जनघनत्व भएको काठमाण्डौ र ललितपुर महानगरपालिका तथा मध्यपुर थिमी र कीर्तिपुर नगरपालिकामा जम्मा ६२ वटा सार्वजनिक शौचालय छन् । त्यसमा पनि आधा जति मात्र सञ्चालनमा छन् । यी चारवटा पालिकाको जनसंख्या २० लाख रहेको मान्दा ६४ हजार जना बराबर एउटा सार्वजनिक शौचालय पर्ने एक अध्ययनले देखाएको छ । 

आवश्यकताभन्दा निकै कम

विश्व स्वास्थ्य संगठनका अनुुसार सहरमा प्रत्येक ३ सय मिटरमा एउटा सार्वजनिक शौचालय हुनुपर्छ । यो मापदण्ड पूरा गर्न नसके पनि एक वर्ग किलोमिटरमा कम्तीमा एउटा शौचालय हुनुपर्छ । 

तर काठमाण्डौमा आवश्यक पर्ने ठाउँमा सार्वजनिक शौचालय भेटिँदैन । महानगरमा चिल्ला र फराकिला सडक छन् । अग्लाअग्ला घर छन् । तर दिसापिसाब आउँदा चाहिने शौचालय भने छैनन् । काठमाण्डौमा सार्वजनिक शौचालयबारे अध्ययन गरेको संस्था गुथीका प्राविधिक सल्लाहकार प्रकाश अमात्य भन्नुहुन्छ, ‘जहाँ चाहिन्छ त्यहाँ सार्वजनिक शौचालय नै छैन, जस्तो ईन्द्रचोक, बसन्तपुर, न्यूरोडलगायत ललितपुर, भक्तपुरको धेरै जमघट हुने ठाउँमा पनि सार्वजनिक शौचालय नै छैन ।’ 

कमजोर संरचना र सरसफाइको अभाव

सार्वजनिक शौचालय बनाउँदा विभिन्न सूचकहरुमा ध्यान दिनुपर्ने सार्वजनिक शौचालयका बारेमा अध्ययन गरिरहेका प्रकाश अमात्य बताउनुहुन्छ । दुर्गन्ध नफैलिने, उज्यालो, बिजुली बत्ती, डस्टबिन, सामान राख्ने र्‍याक, बेसिन, पानी टयांकी, टायल, पेन्टिङ, प्यान, भेन्टिलेसन तथा महिनावारी हुँदा प्रयोग गरिने प्याडको व्यवस्थापन गर्ने ठाउँ हुनुपर्छ 

त्यस्तै मलमूत्र व्यवस्थापन गर्न बायो ग्यास प्लान्ट, महिला÷पुरुष नेमप्लेट, अपाङ्ग/ज्येष्ठ नागरिक/बालबालिकामैत्री र उनीहरुका लागि निःशुल्क गर्नुपर्छ । सकेसम्म भुइँतलामा बनाउनुपर्ने र सँगै नुहाउने कक्ष पनि हुनुपर्ने उहाँको भनाइ छ ।

तर देशकै संघीय राजधानी र ठूलो शहर काठमाण्डौमा एक त सार्वजनिक शौचालय नै कम छन् । भएका शौचालयमा पनि छिरिसक्नु छैन । ‘अध्ययनका क्रममा धेरैजसो शौचालयको अवस्था बिजोग रहेको पाइयो’, गुथी संस्थाका सल्लाहकार अमात्य भन्नुहुन्छ, ‘महिलाहरुका लागि त यहाँका सार्वजनिक शौचालय नर्क जस्तै छन् । टाढैबाट देखिने, सुरक्षाका दृष्टिले कमजोर, दुर्गन्ध, पानी, बिजुली लगायतको सुविधा नहुनु, एउटा ब्याग झुण्ड्याउने ठाउँ पनि नहुनु जस्ता समस्या देखिएको छ ।’

कतिपय सार्वजनिक शौचालयको ढोका राम्रोसँग लाग्दैन । दिउँसै अँध्यारो छ र बिजुली पनि छैन । भित्र पसेपछि स्वास फेर्नै समस्या हुने शौचालयमा पनि बाध्यताले पस्नुपरेको धेरैको गुनासो छ ।

जानकार भएर पनि अलमलमा महानगर

काठमाण्डौमा शौचालयको अवस्था निकै दयनीय छ भन्ने जानकारी काठमाण्डौ महानगरपालिकालाई पनि थाहा नभएको होइन । नयाँ जनप्रतिनिधि आएपछि गरिएको अनुगमनमा सार्वजनिक शौचालय नर्क समान रहेको पाएको महानगरपालिकाका प्रवक्ता ईश्वरमान डंगोल बताउनुहुन्छ । उहाँ भन्नुुहन्छ, ‘भित्र जानै गाह्रो, भित्र गएपछि पनि दुर्गन्धले रोग लाग्छ भन्ने डर छ, अनुमगन गर्दा हामीले अपराध नै गरेको जस्तो लाग्छ, यति अस्तव्यस्त छ कि त्यो भनिसाध्ये छैन ।’

चाहिने जति सार्वजनिक शौचालय छैनन् भन्ने पनि महानगरपालिकालार्ई राम्रोसँग थाहा छ । प्रवक्ता डङ्गोल भन्नुुहन्छ ‘सार्वजनिक शौचालय निकै कम छन् र भएकामध्ये पनि धेरै सञ्चालनमा ल्याउन नसकिएको सत्य हो, मान्छेको बाक्लो आवतजावत हुने ठाउँमा शौचालय बनाउनुपर्छ भन्ने कुरा हामीले मनन् गरेका छौँ ।’

Share:

Read More

संसदीय समितिले भन्यो : मेडिकल कलेजले बढी शुल्क लिनुमा शिक्षा मन्त्रालयकै मुख्य कमजोरी

संसदको शिक्षा तथा स्वास्थ्य समितिले मेडिकल कलेजहरुलाई तोकिए भन्दा बढी शुल्क लिन शिक्षा विज्ञान तथा प्रविधि मन्त्रालयले नै मौखिक सहमति दिएको निश्कर्ष निकालेको छ ।मेडिकल कलेजकमो शुल्क विवादबारे अध्ययन गर्न गठित उपसमितिको प्रतिवेदन पारित गर्दै शिक्षा तथा स्वास्थ्य समितिले २०७२ असोज १ गतेको शुल्कसम्बन्धी निर्णय लागू गराउनुपर्नेमा मन्त्रालयले नै बढी शुल्क लिन मौखिक सहमति दिएको बताएको हो ।

‘नेपाल सरकार मन्त्रिपरिषदको मिति २०७२/०६/०१ को शुल्कसम्बन्धी निर्णयमा तत्कालिन शिक्षा, विज्ञान तथा प्रविधि मन्त्रालयबाटै विश्वविद्यालयमार्फत उक्त निर्णय मेडिकल कलेजहरुलाई लागू गराउनुको सट्टा तोकिएको भन्दा बढी शुल्क निर्धारण गर्न मौखिक सहमति दिएको कारण उत्पन्न भएको शुल्क विवादमा पहिलो र मुख्य कमजोरी तत्कालिन शिक्षा, विज्ञान तथा प्रविधि मन्त्रालयको रहेको अध्ययनबाट स्पष्ट हुन्छ’ प्रतिवेदनमा भनिएको छ ।

समितिले शिक्षा मन्त्रालयले कुन नियत र उद्देश्यले त्यस प्रकारको गम्भीर कमजोरी गरेको हो सोको स्पष्टिकरण लिन मन्त्रिपरिषदलाई निर्देशन दिने निर्णय पनि गरेको छ ।
त्रिभुवन विश्वविद्यालय र काठमाडौं विश्व विद्यालयका पदाधिकारीहरुले निहित स्वार्थका पदीय दुरुपयोग गरी मेडिकल कलेजको शुल्क बृद्धिमा संलग्न भएको भन्दै समितिले दुबै विश्व विद्यालयका पदाधिकारीहरुलाई पनि कारबाही गर्न निर्देशन दिएको छ ।

मन्त्रिपरिषद बैठकको २०७५ असोज २६ गतेको निर्णयअनुसार मेडिकल कलेजहरुले चिकित्सा शिक्षा अन्तर्गत स्नातक तह र एमबीबीएसका लागि एक जना बिद्यार्थीसँग उपत्यकाभित्र ३८ लाख ५० हजार र उपत्यका बाहिर ४२ लाख ४५ हजार शुल्क मात्रै लिन पाउँछन् ।

तर, मेडिकल कलेजहरुले तोकिए भन्दा बढी शुल्क लिँदै आएका छन् । काठमाडौं विश्व विद्यालयले आफु अन्तर्गतका कलेजहरुलाई सरकारले तोके भन्दा बढी शुल्क लिन सक्ने गरी उतिबेलै पत्राचार नै गरेको थियो ।

समितिका सदस्य सुरेश राईको संयोजकत्वमा गठित उपसमितिले तयार पारेको यो प्रतिवेदन मूल समितिबाट पारित भए पनि औपचारिक रुपमा भने सार्वजनिक गरिएको छैन ।

केही भाषागत रुपमा मिलाउनुपर्ने भएकाले त्यसलाई मिलाएर सार्र्वजनिक गरिने समिति सभापति जयपुरी घर्तीले जानकारी दिइन् ।

प्रतिवेदनमा तत्कालीन शिक्षामन्त्रीको नाम उल्लेख गरिएको छैन । यद्यपि त्यो समयमा नेपाली कांग्रेसका नेता गोपालमान श्रेष्ठले उक्त मन्त्रालय सम्हालेका थिए ।
‘नामै किट्नु भन्दा मन्त्रालय भनेपछि बुझिन्छ भनेर तत्कालिन मन्त्रीको नाम नलेखिएको हो । त्यसबेला उहाँ (श्रेष्ठ) मन्त्री हुनुहुन्थ्यो । उहाँलाई नै सरकारले स्पष्टीकरण प्रतिवेदन अनुसार सोध्नुपर्नेछ’ एक उपसमिति सदस्यले भने ।

टीयू र केयूका पदाधिकारीलाई पनि कारबाही गर्न निर्देशन

समितिले त्रिभुवन विश्वविद्यालय चिकित्सा शास्त्र अध्ययन संस्थान (आइओएम) का तत्कालिन डिन तथा शिक्षा हेर्ने सहायक डिनले सरकारले तोके भन्दा बढी शुल्क लिन कलेजहरुलाई प्रोत्साहन गरेको समितिको निश्कर्ष छ ।

सोही निश्कर्ष अनुसार समितिले अधिक शुल्कलाई परोक्ष रुपमा अनुमोदनको कार्य गरेको भन्दै समितिले आइओएमका तत्कालिन डिन तथा साहायक डिनलाई गैरकानुनी कार्य उपर प्रचलित कानुन बमोजिम कारबाहीको लागि शिक्षा मन्त्रालयमार्फत नेपाल सरकारलाई निर्देशन दिएको छ ।

यस्तै, काठमाडौं विश्व विद्यालयका पदाधिकारीले सरकारले मेडिकल शुल्क तोकेर पत्राचार गर्दा गर्दै निहित स्वार्थमा पदीय दुरुपयोग गरी शुल्क बृद्धि गर्ने निर्णयमा संलग्न भएको भन्दै कारबाही गर्न निर्देश गरेको छ । समितिले प्रतिवेदन मार्फत काठमाडौं विश्वविद्यालयका तत्कालीन उपकुलपति, रजिष्टार तथा डिन समेतलाई प्रचलित कानुन अनुसार कारबाही गर्न शिक्षा मन्त्रालय मार्फत सरकारलाई निर्देशन दिएको छ ।

Share:

Read More