सुर्खेतको जंगलमा छाडिएका गाई नेपालगञ्ज फर्काइँदै

 सुर्खेतको कटुवा जंगलमा छोडिएका गाईलाई नेपालगञ्ज फिर्ता लैजान थालिएको छ ।

अहिलेसम्म १ सय भन्दा धेरै गाईलाई नेपालगञ्ज पठाइसकिएको प्रहरीले जनाएको छ । दैलेख लैजान भनी नेपालगञ्जबाट लगिएका गाई सुर्खेतको जंगलमा छाड्दा भिरबाट लडेर २५ वटा गाई मरेपछि बाँकी गाईलाई नेपालगञ्ज नै फिर्ता पठाउन थालिएको प्रहरीले जनाएको हो ।

जम्मा १ सय ५० वटा गाई भेटिएको र घाइते केही गाईको उपचार पनि भइरहेको प्रहरीले जनाएको छ । सुर्खेतको वीरेन्द्रनगर नगरपालिकाको कटुवा जंगलमा शुक्रबार मृत भेटिएका १६ र शुक्रबार भेरीगंगा नगरपालिकामा भेटिएका ९ वटा गरी मर्ने गाईको सख्या २५ पुगेको हो ।

एउटै ट्रकमा ३८ वटासम्म गाई कोचेर लगिएको र गाई मर्न थालेपछि बीचबीचमा झारेको हुनसक्ने प्रहरीले प्रारम्भिक अनुमान गरेको छ । यसबारेमा ५ जना ट्रक चालकलाई पक्राउ गरी अनुसन्धान थालिएको सुर्खेतका प्रहरी नायब उपरीक्षक रवि रावलले जानकारी दिनुभयो । 

Share:

Read More

‘छ माया छपक्कै’ पहिलो गीत संगै प्रदर्शन मिती सार्वजनिक

दिपेन्द्र लामा निर्देशित फिल्म ‘छ माया छपक्कै’को पहिलो गीत सार्वजनिक भएको छ । सार्वजनिक ‘जुनको जुनेली’ बोलको गीतमा चर्चित गायिका मीना निरौला र बसन्त थापाको स्वर रहेको छ । गीतमा राजेन्द्र थापाको शब्द रहेको छ भने संगीत बसन्त थापाले गरेका हुन् । सार्वजनिक गीतको भिडियोमा फिल्ममा अधिकांश कलाकार लाई फिचर गरिएको छ 

फिल्ममा समावेश पहिलो गीत सार्वजनिक भए संगै फिल्मको प्रदर्शन मिती समेत तय गरिएको छ । फिल्म असोज २४ गते देखी प्रदर्शनमा आउने भएको छ । यसअघी दशैँमा प्रदर्शनमा आउने चर्चा रहेको छ माया छपक्कै बलिउड फिल्म ‘वार’का कारण दशैँ पछी सरेको हो ।

 आमा सरस्वती मुभिज र रोहित अधिकारी फिल्मस्को संयुक्त ब्यानरमा निर्माण भएको फिल्ममा केकी अधिकारी, दिपकराज गिरी, दीपा श्री निरौला, जितु नेपाल, केदार घिमिरे, सुपुष्पा भट्ट, बुद्धि तामाङ, रजनी गुरुङ लगायतका कलाकारहरुको अभिनय रहेको छ । फिल्ममा सल्लाहकार निर्देशकको रुपमा दीपाश्री निरौला रहेकी छिन् ।

रोहित अधिकारीको निर्माण रहेको फिल्ममा कार्यकारी निर्माताको रुपमा केदार प्रसाद घिमिरे र जितु नेपाल रहेका छन् । फिल्मका सह-निर्मातामा ताराचन्द्र बजगाई निशान, सुमन गिरी भान्जा, केशव न्यौपाने, दिपेन्द्र खनिया, सुरज बम ठकुरी, रबिन डाँगी लगायत रहेका छन् ।

निर्देशक लामाकै कथा रहेको फिल्ममा पटकथा दीपकराज गिरीको रहेको छ भने दीपकराज गिरीसंगै केदार प्रसाद घिमिरे, जितु नेपाल र अभिमन्यू निरवीको संवाद, रोशन श्रेष्ठको द्वन्द, हरी हुमागाईको डिओपी, कविराज गहतराजको कोरियोग्राफी, बिपिन मल्लको सम्पादन रहेको छ ।

Share:

Read More

‘जसलाई जे पनि भनेको छ, जे पनि आरोप लगाएको छ, यो पनि पत्रकारिता हो ?’

सञ्चार तथा सूचना प्रविधि गोकुल बाँस्कोटाले संविधान प्रदत्त प्रेस तथा अभिव्यक्ति स्वतन्त्रतालाई कमजोर बनाउने विषय मिडिया काउन्सिल विधेयकमा नरहेको स्पष्ट पार्नुभयो ।

राष्ट्रिय सभाको शुक्रबारको बैठकमा विधेयकमाथि विचार गरियोस् भन्ने प्रस्तावमाथिको छलफलमा सांसदरुले उठाएको प्रश्नको जवाफ दिने क्रममा मन्त्री बाँस्कोटाले प्रेसलाई व्यवस्थित र मर्यादित बनाउनका लागि सरकारले विधेयक ल्याएको बताउनुभएको हो । लोकतन्त्र गणतन्त्र स्थापित नहोस्,  भद्रगोल होस् प्रणालीले काम नगरोस् भन्ने तहबाट हुने बाहय आक्रमणहरु र मिडिया आफै बहकिएर स्वतन्त्रताको नाममा स्वच्छन्दतालाई प्रेसको परिभाषाभित्र अनुबन्धित गरेर जान खोज्ने कुराले प्रेसको विश्वसनीयतामाथि प्रश्न उठाएको र त्यो आन्तरिक चुनौती डरलाग्दो रहेको भन्दै उहाँले ती सबै चुनौतीको सहज व्यवस्थापन गर्ने सोचमा रहेर विधेयमा आवश्यक व्यवस्था गरिएको बताउनुभयो ।

उहाँले नागरिकले प्रेसप्रति विश्वास गर्ने दृष्टिले मर्यादा र सीमालाई सोचेर सरकारले विधेयकमा केही त्यस्ता व्यवस्था गरेको स्पष्ट पार्नुभयो । स्वतन्त्र प्रेसको नियन्त्रण लोकतन्त्रको मूल्य पद्धतिभित्र नपर्ने विषय भएको भन्दै उहाँले सरकारले कानुनी नियमन र स्वनियमनलाई विधेयकमा उठाइएको बताउनुभयो । कारबाही प्रक्रियाको बारेमा उजुरी, जाँचबुझ, मिलापत्र, स्पष्टीकरण अनि क्षतिपूर्ति वा जरिबानाका विषय राखिएको भन्दै उहाँले क्षतिपूर्ति र दण्ड जरिबानाका कुरालाई अदालती प्रक्रियामा लैजान सकिने बताउनुभयो ।

पत्रकारिताभन्दा पनि मिसनकारितामा मिडियाको दुरुपयोग बढ्दै गएको अचम्म अचम्मका प्रवृत्ति देखिएको भन्दै उहाँले स्वतन्त्र प्रेसको नाममा हुने लोकतन्त्र विरोधी कार्यलाई स्वीकार गर्न नसकिने बताउनुभयो ।

उहाँले भन्नुभयो, ‘जसलाई जे पनि भनेको छ । जे पनि आरोप लगाएको छ । जवाफदेहिता छैन । उत्तरदायित्व छैन । संविधान खारेज गरौँ । संशोधन होइन खारेज । समाप्त गरौँ । अर्को चिज ल्याऊँ । यो पनि पत्रकारिता हो ? यसलाई अलिकति नियन्त्रण गर्न खोज्यो भने प्रेस स्वतन्त्रतामाथि धावा बोल्ने  ? यो त्यस्तो हो ? म सोध्न चाहन्छु । भन्न पनि चाहन्छु ।  हिजो निरकुंश कालमा जय जय गान गाएर हिँड्ने त्यसको विषयमा केही बोल्न नसक्ने त्यसका विरुद्ध लडेर आएको शक्तिलाई चाहिँ अथ्र्यौकै गर्नका निम्ति यो चाहिँ लोकतन्त्र ?लोकतन्त्र लोकतान्त्रिक व्यवस्थाको रक्षाका निम्ति हो । त्यसको समाप्तिका लागि त्यो छुट दिन सकिन्न । सकिन्छ र ?’

तानाशाही व्यवस्थामा नबोल्नेले अहिले गणतन्त्र आफूले ल्याएको दाबी गर्दै त्यस विरुद्ध विभिन्न वक्तव्य बाजी गर्दै हिँडेकोमा पनि उहाँले आपत्ति जनाउनुभयो । उहाँले राजतन्त्रका पक्षधरहरु प्रेस स्वतन्त्रताको नाममा लोकतान्त्रिक व्यवस्थालाई सिध्याइ पुनःस्थापित हुने प्रयास गरिरहेको दाबी गर्नुभयो ।

उहाँले भन्नुभयो, ‘कहिले देश टुक्राउन आउ । कहिले गणतन्त्र समाप्त गर्न आउ । कहिले के गर्न आउ भनेर  ओपन ? ओपन च्यालेन्ज दिने डेमोक्रेसीलाई ? गणतन्त्रलाई ? त्यो हेरेर बस्न सकिन्छ ? निरंकुशताको रहलपहल आज पनि फणा उठाउन खोज्दैछ । केको नाममा ? स्वतन्त्र प्रेसको नाममा । स्वतन्त्र प्रेस हिजो तिनले गर्‍याथे ? पञ्चायतको भक्तिभाव गर्‍याथे । निरंकुश राजतन्त्रको गाना बजाना गर्‍याथे । तीनीहरु यसप्रकारले आउने कुरा र स्वतन्त्रता छ भन्ने नाममा जे पनि गर्या छ ।’

उहाँले नेताहरुको मानमर्दन गरी स्थापित प्रणालीलाई नै समाप्त पार्ने विषयलाई स्वतन्त्र प्रेसको रुपमा परिभाषा गर्ने विषयमा सरकार सहमत हुन नसक्ने बताउनुभयो  । उहाँले अनुजा, भक्तमान, दिलशोभालगायत प्रकरणबाट सरकार सचेत भैसकेकोे स्मरण गराउँदै कुनै पनि विषयमा मिडिया ट्रायल हुन नदिइने चेतावनी दिनुभयो ।
उहाँले भन्नुभयो, ‘अनुजा, भक्तमान, दिलशोभा प्रकरण हेरौँ न । अदालती काम प्रेसले गर्न सक्दैन । मिडिया ट्रायल हुन सक्दैन । अदालती ट्रायल हुन्छ । पहिले नै राय दिएर समाजलाई दिग्भ्रमित बनाउने कुरा । यस्तै कुराले हो अराजकता र स्वच्छन्दता मौलाउँदै गएपछि स्वतन्त्रता , लोकतन्त्र अप्ठ्यारोमा पर्ने ।’

आमसञ्चारसम्बन्धी नियमन मात्रै गर्ने भएकाले यो विधेयकलाई समृद्ध बनाउने सवालमा आएका सुझावलाई सरकारले समावेश गर्ने प्रतिबद्धता पनि उहाँले जनाउनुभयो ।

छलफलपछि मिडिया काउन्सिल विधेयक २०७५ माथि विचार गरियोस् भन्ने प्रस्तावलाई बैठकले सर्वसम्मतिले स्वीकृत गरेको छ ।

Share:

Read More

किशाेरीकाे नक्कली फेसबुक आइडी बनाएर जथाभावी लेख्ने युवकविरुद्ध आत्महत्या दुरुत्साहन मुद्दा

जिल्ला प्रहरी कार्यालय ओखलढुंगाले एक युवाविरुद्ध आत्महत्या दुरुत्साहनकाे मुद्दा दर्ता गरेको छ ।चम्पादेवी गाउँपालिका–१० की १६ वर्षीया गोमा कार्कीलाई आत्महत्या गर्न दुरुत्साहन गरेको आरोपमा त्यसै ठाउँका युवराज कार्कीविरुद्ध मुद्दा दर्ता गरिएको हो । तीन महिना अघि गोमाले घरकै कोठामा पासो लगाएर आत्महत्या गरेकी थिइन् ।आत्महत्या गर्नुअघि ‘मेरो फेक आइडी बनाएर मलाई बदनाम गराउनेलाई कारबाही गरे मात्र मेरो आत्मालाई शान्ति मिल्नेछ’ भनेर लेखिएको सुसाइड नोट फेला परेको थियो । फेक आइडी प्रयोग गरेर आफूलाई बदनाम गराउनेमाथि कारबाही गर्न माग गरेको सुसाइड नोट र परिवारको उजुरीका आधारमा मुद्दा दर्ता गरिएको जिल्ला प्रहरी कार्यालय ओखलढुंगाका प्रहरी निरीक्षक राजीव श्रेष्ठले जानकारी दिनुभयो । मृतकका परिवारले फेक आइडी खोलेर बदनाम गराएर आत्महत्या दुरुसाहन गरेको उजुरी गरेपछि ‘ह्यान्डराइटिङ’ परीक्षण गराउँदा गोमाकै रहेको पुष्टि भएपछि मुद्दा दर्ता गरेर अनुसन्धान थालिएको श्रेष्ठले बताउनुभयाे । सुसाइड नोट प्रहरीको विधि विज्ञान प्रयोगशालामा पठाइएको थियो ।

युुवराजले गोमाको फोटो राखेर ‘सबैको बुढी म’ भन्ने नाम राख्दै बनाएको फेसबुक आइडी चलाएको स्वीकार गरेको प्रहरीको भनाइ छ । ओखलढुंगा जिल्ला अदालतमा दर्ता भएको आत्महत्या दुरुत्साहनको यो दोस्रो मुद्दा हो । 

Share:

Read More

शालिकराम आत्महत्या दुरुत्साहन मुद्दा : कति बलियो छ आरोपपत्र ?

केवल भिडियो रेकर्डलाई आधार बनाएको प्रहरीले आत्महत्याको दुरुत्साहन मुद्दामा अरु प्रमाण जुटाउन चुकेको देखिन्छ ।

काठमाडौँ — चितवनको कंगारु होटलमा मृत भेटिएका पत्रकार शालिकराम पुडासैनीलाई आत्महत्याका लागि दुरुत्साहन गरेको अभियोगमा चितवन प्रहरीको प्रतिवेदनका आधार सरकारी वकिलको कार्यालयले सञ्चारक्रमी रवि लामिछानेसहित तीन जना विरुद्ध ५ वर्ष कैद र ५० हजार रुपैयाँ जरिवानाको मागदाबी गरेको छ । जिल्ला अदालत चितवनमा सोमबार आरोपितमाथिको बयान सकिएपछि अनि त्यसपछि थुनछेक बयान सुरु भएको छ ।

कुनैपनि व्यक्ति विरुद्ध कुनै कसुरको आरोप लगाउनुपूर्व प्रमाण चाहिन्छ। प्रमाण र अन्य तथ्यकाबारेमा विस्तृत विवरण उल्लेख गरिएको व्यहोरालाई अभियोगपत्र भनिन्छ।सञ्चारकर्मी लामिछाने विरुद्ध पेस भएको अभियोगपत्र कत्तिको बलियो छ त? जिल्ला अदालत चितवनबाट कान्तिपुरले २३ पेज लामो अभियोगपत्र प्राप्त गरेको छ। के छ त अभियोगपत्रमा?

१. अस्मिता कार्की

अभियोगपत्रमा दुरुत्साहनका कारण शालिकराम पुडासैनीले आत्महत्या गर्न बाध्य भएको निष्कर्ष निकाल्दै त्यसको प्रमुख आरोपितको रुपमा रुकु भनिने अस्मिता कार्कीलाई प्रस्तुत गरिएको छ। आरोपपत्रमा शालिकरामकी पत्नी सम्झनाको किटानी जाहेरी, बरामद भिडियो अनि केही व्यक्तिहरुको मौकाको कागजलाई महत्वपूर्ण प्रमाणका रुपमा पेश गरिएको छ। आत्महत्याको घटनापछि न्यूज २४ का पत्रकारहरुले आफूलाई सम्पर्क गर्न खोजेको र उनीहरुले कार्यक्रम बनाउन खोजेको भन्ने अस्मिताको बयान छ। बयानको यो भागलाई प्रहरीले आत्महत्याअघिको घटनाको रुपमा चित्रित गरी रवि र युवराजका साथमा अस्मिता समेत योजनाकार रहेको भनी चित्रित गरेको छ।

प्रहरीको दाबी अनुसार, रवि लामिछाने, युवराज कँडेल अनि अस्मिताले जालझेल गरी आत्महत्या गर्न बाध्य बनाएको दाबी आरोपपत्रमा छ। मोबाइलमा कैद भएको भिडियोबाट रवि लामिछाने, युवराज कँडेल अनि अस्मिता भनिने रुकु कार्कीले दुःख तथा मानसिक पीडा दिई आत्महत्या गराउन बाध्य बनाएको अनि मृतक शालिकराम पुडासैनीकी पत्नी सम्झना घिमिरेको किटानी जाहेरीले समेत त्यसको औचित्य पुष्टि हुन्छ भनिएको छ।

बयान हेर्दा प्रहरीले आरोपको प्रमुख प्रमाणको रुपमा भिडियोका साथै अस्मिताको बयान अनि शालिकरामसँग पछिल्लो समय सम्पर्क भएकी प्रमिला भन्ने व्यक्तिको मौकाको कागजलाई आधार बनाएको छ। कतिपय बयानका विवरण र अन्य तथ्य भने प्रहरीले आफू अनुकुल प्रयोग गरेको देखिन्छ। प्रमिलाकै मौकाको बयान हेर्ने हो भने शालिकरामको भिडियो रेकर्डसँग बाझिन्छ। प्रमिलासँग शालिकरामले आफ्नो पूर्वप्रेमिकाको विवरण पाएर अस्मिता रिसाएको भन्ने मुद्दाको मिसिलमा उल्लेख छ। तर यर्थामा सम्झता शालिकरामकी पूर्वप्रेमिका नभएर पत्नी थिइन, जुन कुरा मौकाको बयान गर्ने प्रमिलालाई पनि थाह नभएको देखिन्छ।

शालिकराम पुडासैनी आत्महत्या प्रकरण : बयानमा के भनिन् अस्मिताले ?

अस्मिताले विवाहित रहेका शालिकरामले यथार्थ विवरण नखुलाई आफूलाई धोका दिएको बताएकी छन्। यथार्थ विवरण थाह पाएपछि आफू उसँग टाढा हुन खोजेको अनि सम्बन्ध राम्रो नहुँदा पनि फोन गरी दुःख दिएको विवरण खुलाएकी छन्। प्रहरीमा अस्मिताले गरेको बयान अनुसार, यो कुरा उनले क्यामेरापर्सन अनिल ढुंगेल मार्फत रवि र युवराजलाई पनि थाह दिन भनेकी थिइन्। अस्मिताले ‘अनिल ढुंगेल, युवराज कँडेल र रवि लामिछानेविच सल्लाह गरी योजना बनाई निज शालिकराम पुडासैनी हतोस्साहित हुने किसिमले ब्ल्याकमेल गरी केही कुरा भनेको वा केही कार्य गरेको हुनुपर्छ’ भनी बयान दिएको प्रहरीको दाबी छ। प्रहरीले भनेको छ, ‘सोही कारणबाट शालिकराम पुडासैनीले आत्महत्या गरेको हुनुपर्छ भन्दै बयान गरेको देखिएबाट अभियोग पुष्टि हुने।’

प्रहरीले घटनाको अनुसन्धानका क्रममा ‘प्रमिला शर्मा भूषाल’ नामकी महिलालाई प्रस्तुत गरेको छ। उनको दाबी अनुसार आत्महत्याको दिन बिहान शालिकरामले उनीसँग कुरा गरेका थिए। ‘प्रमिलाको कागजबाट पनि मलाई रेप मुद्दा हाल्ने समेत भनेका छन् भनी हतास अवस्थामा बताएको देखिन्छ’ आरोपत्रमा भनिएको छ, ‘अर्का गोकर्णनाथ न्यौपानेको भनाई अनुसार विक्षिप्त हुने गरी मानसिक तनाव दिएका कारण सो दुःख सहन नसकी शालिकरामले आत्महत्या गरेका हुन्।’

प्रहरीको दाबी अनुसार, अस्मिताले आफूसग शालिकरामले गरेको कुराकानी रविको टिमलाई दिएको आधारबाट पनि उनले कसुर गरेको पुष्टि हुन्छ। उनले न्यूज २४ मा गएर फोटो खिचेर समेत कार्यक्रम प्रशारण गरिदिने भनी मृतकलाई धम्की दिएको स्वीकार गरेको दाबी प्रहरीको छ। प्रहरीले अभियोग खण्डमा भनेको छ, ‘मानसिक यातना दिएकी तथा बलात्कार मुद्दामा फसाइदिने जस्ता कुरा गरी दुःख हैरानी दिएकी।’

प्रहरीले अभियोग लगाएपनि यथार्थ भने फरक छ। प्रहरीकै प्रतिवेदनमा समावेश अस्मिताको बयानमा एक साताअघि शालिकराम विवाहित भएको थाह पाएपछि उबाट टाढा हुन खोजेकी थिइन्। त्यसपछि शालिकरामले फोन गरी बाटो समेत छेकेर दुःख दिने गरेको बयानमा उल्लेख छ। ‘रविहरुलाई भनेमा मलाई पिछा गर्न छुटाइदिन्छन् कि भन्ने सोचेको हो’ अस्मिताले प्रहरीसँगको बयानमा भनेकी छन्, ‘अनि अनिललाई भेटेर रविलाई जानकारी दिनु भनेको हो। घटना भएपछि अनिलले कुनै म्यासेज डिलिट नगर्नु भनेको भनी खबर गरेपछि मात्रै थाह भयो। उनीहरुले भेटन खोजेका थिए तर मैले भेटिनँ।’

प्रहरीले प्रमुख आरोपको रुपमा बलात्कारको झुटो अभियोग लगाउने धम्कीका कारण शालिकरामले आत्महत्या गरेको दाबी गरेको छ। तर त्यसलाई स्वतन्त्र रुपमा पुष्टि गर्ने प्रमाण अभियोगपत्रका साथ पेश छैन। प्रमाणविना केवल मौकामा कागज गर्ने व्यक्तिले बोकेको कुरा आधिकारिक हुँदैन। उनीहरुको बयान सत्य हुन त्यसलाई सावित गर्ने प्रमाणहरु पनि अभियोगका साथ पेश गर्नुपर्छ, जसमा प्रहरी र सरकारी वकिल समेत चुकेका छन्।

२. युवराज कँडेल

न्यूज २४ का पत्रकार युवराज कँडेलमाथिको अभियोग अझै रोचक छ। प्रहरीले ‘सिधा कुरा जनतासँग' को कार्यक्रममा युवराजले काम गराउने गरेका मृतक शालिकरामलाई समाचार बनाउने क्रममा गाली गर्ने गरेको भन्दै बयान गरेको’ भनी त्यो बयानले दुरुत्साहन पुष्टि हुने दाबी गरेको छ। कार्यक्षेत्रमा मातहतका सहकर्मीहरुसँगको सम्बन्ध र व्यवहार दुरुत्साहन पुष्टि गर्ने प्रमाण होइन, तर प्रहरीले त्यसैलाई प्रमाण मानेको छ।

आत्महत्या नै थियो शालिकरामको

रवि लामिछानेको बयानबाट पनि ‘युवराजले शालिकरामलाई कार्यक्षेत्रमा गाली गर्ने गरेको’ भन्दै प्रहरीले त्यसलाई दुरुत्साहनको प्रमुख आधार बनाएको छ। अस्मिताको म्यासेज युवराजले पाएकाले पनि उनको भूमिका पुष्टि भएको अभियोगपत्रमा उल्लेख छ। आरोपपत्रमा भनिएको छ, ‘युवराजले दिएको दुःख, पीडा अनि दुरुत्साहनका कारण शालिकरामले आत्महत्या गरेको देखिन्छ।’ तर प्रहरीले अस्मिताले दिएको म्यासेजलाई युवराजले कसरी दुरुत्साहनमा प्रयोग गरे भन्नेबारे खुलाउन सकेको छैन।

प्रहरीले कतिसम्म आरोप लगाएको छ भने रविहरुको कार्यक्रमलाई प्रभावित बनाई शालिकराम पुडासैनीले अन्यत्र टेलिभिजनमा समानान्तर कार्यक्रम सञ्चालन गरेको भनी रविको समूहले रिसइवी लिई बसेको देखिन्छ। युवराजमाथि समेत त्यही आरोप दोहोर्‍याउँदै सरकारी वकिल यदुनाथ शर्माले रिसइवी साँध्न दुरुत्साहन गरेको अभियोगपत्र तयार परेका छन्। अभियोगपत्रमा भनिएको छ, ‘रिसइवी साँध्न आफूलाई प्रेम गरी धोका दिएको भनी बदला लिन चाहेकी अस्मितासँग मिली शालिकरामका फोटाहरु तथा म्यासेजहरु प्रसारण गरिदिने भनी डरत्रास देखाई अनावश्यक रुपमा मानसिक यातना तथा दुःख हैरानी दिएको।’ तर युवराजले आफूलाई यसबारेमा बृहत रुपमा केही थाह नभएको भनी इन्कारी बयान दिएका छन्। रविको टिमले शालिकरामका फोटा र म्यासेज प्रमाण गर्नका लागि गरेको तयारी, त्यसको योजना र ती क्रियाकलापबाट दुरुत्साहन भएको पुष्टि हुने प्रमाण अभियोगपत्रका साथमा छैनन्।

३. रवि लामिछाने

रवि लामिछानेमाथि आरोप लगाउनुका पछाडि प्रहरीले मुख्यतः चार आधार लिएको देखिन्छ। शालिकरामकी पत्नी सम्झनाको किटानी जाहेरी, आत्महत्याअघिको भिडियो रेकर्ड अनि रविको बयान। जाहेरी र भिडियो रेकर्डमाथि यसअघि नै चर्चा भइसकेको छ। रविले बयानका क्रममा भनेका थिए, ‘मैले निजको विरुद्धमा कार्यक्रम बनाएको भनी कसैले भनिदिएको समेत हुनसक्छ र आत्महत्या गरेको हुनसक्छ।’ उनले अनुमान गरेको त्यही विषयलाई प्रहरीले प्रमुख प्रमाण मानिदियो।

पेशागत प्रतिस्पर्धा र सम्बन्धलाई समेत प्रहरीले जबरजस्ती प्रमाणको रुपमा खडा गरेको छ। प्रहरीको दाबी अनुसार शालिकराम अन्यत्र टेलिभिजनमा समानान्तर कार्यक्रम सञ्चालन गर्न रविको टिम छाडेका थिए। अभियोगपत्रमा रविबारे भनिएको छ, ‘यी प्रतिवादीले आत्महत्या गर्नुपर्नेसम्मको अवस्था सिर्जना गरी दुरुत्साहन गरेका कारणले कसुर पुष्टि हुने ठहर्छ।’ तर आत्महत्याअघि सिधा कुरा जनतासँगमा शालिकरामको विषयमा कार्यक्रम गर्ने तयारी हुँदै थियो भन्ने प्रमाणित गर्ने आधार प्रहरीले पेश गरेको छैन।

रविले बयानका क्रममा भनेका छन्, ‘शालिकरामले एक लाख रुपैयाँ पाउने गरी माउन्टेनको मार्केटिङमा काम पाएको बताएकापछि छाडेका हुन्। पछि भने मिसन न्यूज भनिने कार्यक्रममा गएका रहेछन्।’ घटनाको केही दिन अघि शालिकरामको बाहिर प्रेमिका भएको अनि उनले शालिकरामबाट केही समस्या भोगी रहेको भनेको सुनेको बताएका छन्। उनले भनेका छन्, ‘घटनाको अघिल्लो दिन कार्यक्रम नभएकाले चाडै सुतेँ। भोलिपल्ट मात्रै मरेको थाह भयो।’

प्रहरीले अभियोगमा तीनैजनामाथि आरोप लगाउनुका पछाडि प्रमिला शर्मा भूषालले ‘मौकामा गरेको कागज’लाई महत्वपूर्ण प्रमाणको रुपमा लिएको छ। प्रमिला को हुन् भन्ने आरोपपत्रमा खुल्दैन। तर कागज अनुसार, उनले छ महिनाअघि मात्रै शालिकरामसँग चिनाजान गरेकी हुन्। घटनाको दिन बिहानै शालिकरामले प्रमिलालाई फोन गरेका रहेछन्। शालिकरामको भनाई उदृत गर्दै प्रमिलाले भनेकी छन्, ‘साउन २० गते मेरो छुटेको प्रेमिकाको बारेमा हालको प्रेमिकाले थाह पाई न्यूज २४ को एकजना मानिससँग मिलेर मलाई फसाउन खोजेको हो।’

रवि समर्थक र प्रहरीबीच चितवनमा झडप

शालिकरामले आफूले अस्मितालाई जागिर लगाइदिएको भन्दै अहिले भने आफूसँगको कुराकानी अन्यत्र लिक भएको भनेका रहेछन्। शालिकरामकै शब्दमा, ‘मलाई बलात्कार मुद्दा हाल्ने भनेका छन्। यसो गर्दा मेरो बेइज्जत हुने भयो।’ प्रमिलाको दाबी अनुसार, मर्ने दिन बिहान कुराकानीका क्रममा शालिकराम निकै आत्तिएको मनस्थितिमा थिए। शालिकरामले ‘मलाई न्यूज २४ का केहीसँग मिलेर योजनावद्ध रुपमा सिध्याउँदैछन्’ भनेको भनी प्रमिलाले प्रहरीमा कागज गरेकी छन्।

प्रहरीले अभियोगको दसी प्रमाणको रुपमा मृतकको भिडियो, मोबाइल सेट अनि शालिकरामले डोरी किनेको सिसिटिभी फुटेज पेस गरेको छ। अनि मृतक र आरोपितका साथै अन्यसँग भएको कुराकानको कल डिटेल रेकर्डहरु पेस गरेको छ। आरोपित तीनैजनाको मोबाइल परीक्षण प्रतिवेदन अनि अनि न्यूज २४ टेलिभिजनको सीसीटिभी फुटेज पनि पेस भएको छ। दसी र अन्य प्रमाणको सयवटा सूची बनेपनि दुरुत्साहनको आरोप स्थापित हुने खालका विवरणको अभाव देखिन्छ।

प्रमाण ऐन र सर्वोच्च अदालतले प्रतिपादन गरेका विभिन्न नजिर अनुसार, ‘मृत्युकालीन घोषणा’ प्राथमिक प्रमाण होइनन्। ज्यानसम्बन्धी मुद्दामा तबमात्रै मृतकले मर्ने बेलामा बोलेको कुरालाई प्रमाणका रुपमा स्वीकार गर्न मिल्छ, जब त्यसलाई अन्य प्रमाणले समेत पुष्टि गरेको हुन्छ। प्राथमिक प्रमाणविना मृत्युकालीन घोषणा मुद्दाको निर्णायक प्रमाण हुन सक्दैन। अर्कोतर्फ आत्महत्याका क्रममा दिइने वक्तव्य वा नोटलाई कानूनतः ‘मृत्युकालीन घोषणा’ मानिँदैन। मृत्युकालीन घोषणा त प्रमाणित हुन अन्य प्रमाणहरु विद्यमान हुनुपर्छ भने त्योभन्दा कमजोर प्रमाण मानिने ‘सुसाईड नोट’ पुष्टि हुन झनै दरिलो प्रमाण आवश्यक पर्छ।

तर प्रहरीले भने भिडियो रेकर्डका आधारमा दुरुत्साहनको मुद्दा चलाएको देखिन्छ। अरु विवरण र प्रमाणबाट आफ्नो अभियोग पुष्टि गर्ने अवसरबाट प्रहरी चुकेको छ। अदालतले प्रहरीले पेश गरेको अभियोग र प्रमाणलाई कुन रुपमा लिन्छ, त्यसकै आधारमा तीनै जना आरोपितहरु पुर्पक्ष थुनामा रहने, धरौटीमा छाड्ने वा सामान्य तारिखमा छाड्ने तय हुनेछ। यसका लागि कम्तिमा पनि सोमबार अबेर वा मंगलबारसम्म पर्खनुपर्ने हुनसक्छ।

Share:

Read More

काम सकिनै लागेको गौतम बुद्ध अन्तर्राष्ट्रिय विमानस्थलमा उडान गर्न म्यानमारको चासो

आउँदो डिसेम्बरमा निर्माण सम्पन्न गर्नेगरी काम भैरहेको गौतमबुद्ध अन्तर्राष्ट्रिय विमानस्थलमा उडान गर्न म्यानमारले चासो देखाएको छ ।

भदौ २ गतेदेखि ६ गतेसम्म काठमाण्डौमा भएको ५६ औंँ एसिया प्रशान्त क्षेत्रीय नागरिक उडड्यन महानिर्देशकको सम्मेलनका क्रममा नेपाल नागरिक उडड्यन प्राधिकरणका महानिर्देशक राजन पोख्रेलले म्यानमार नागरिक उडड्यन विभागका प्रमुखसँग छुट्टै भेट गर्नुभएको थियो । भेटका क्रममा म्यानमार नागरिक उडड्यन विभागका प्रमुख आफ्नो देशबाट धेरै बौद्धमार्गी नेपाल आउने गरेको र त्यसको फाइदा लिन गौतमबुद्ध अन्तर्राष्ट्रियमा म्यानमारका वायुसेवाले उडान गर्न सक्ने जनाएको प्राधिकरणका महानिर्देशक पोख्रेलले बताउनुभयो । 

‘उहाँहरु भैरहवा पुगेर बन्दै गरेको गौतमबुद्ध अन्तर्राष्ट्रिय विमानस्थल पनि हेर्नुभयो र विमानस्थलसम्बन्धी डकुमेन्ट पनि अध्ययन गर्नुभयो, म्यानमारका बौद्ध धर्मावलम्बीहरुको लागि नेपाल राम्रो गन्तब्य भएकाले म्यानमारका वायुयानले भैरहवामा उडान गर्न सक्ने म्यानमारको टोलीले जनाएको छ’, महानिर्देशक पोख्रेलले भन्नुभयो । 

नेपाल एअरलाइन्सको  सेफ्टी अडिट गरिदिन चीन सहमत, नेपाली पक्षको प्रश्न: नेपालका विमान चीन जान किन पाउँदैनन ?

चिनियाँ नागरिक उडड्यन प्राधिकरण नेपाल वायुसेवा निगमको सुरक्षा अडिट गरिदिन सहमत भएको छ । निगमको सुरक्षा अडिटलाई कारण देखाएर चीनका केहि विमानस्थल, कोरिया लगायतले निगमका जहाजलाई उडान अनुमति नदिइरहेको अवस्थामा चीनले निगमको सुरक्षा अडिट गरिदिन चासो देखाएको नेपाल नागरिक उडड्यन प्राधिकरणका महानिर्देशक राजन पोख्रेलले जानकारी दिनुभयो ।

काठमाण्डौमा सकिएको ५६ औंँ एसिया प्रशान्त क्षेत्रीय नागरिक उडड्यन महानिर्देशकको सम्मेलनका क्रममा चिनियाँ नागरिक उडड्यन प्राधिकरणका कायम मुकायम प्रमुख ली झ्याँसँग छुट्टै बैठक भएको र उनीहरु निगमको सुरक्षा अडिट गरिदिन सहमत भएको उहाँले जानकारी दिनुभयो ।

‘हामीले नेपाल एअरलाइन्सको सम्भावित सेफ्टी अडिटको बारेमा पनि कुरा गर्‍यौँ, उहाँहरुले नेपालमै आएर गर्नुपर्ने उडान सुरक्षा अडिट गरिदिन आफुहरु तयार रहेको बताउनुभयो, त्यसै अनुसार हामीले नेपाल वायुसेवा निगमलाई भनिसकेका छौँ ।’ महानिर्देशक पोख्रेलले भन्नुभयो । 

यस्तै नेपालमा एकमात्र अन्तर्राष्ट्रिय विमानस्थल हुँदा पनि चीनका पाँच वटा वायुसेवा कम्पनीले उडान भरिरहेको तर नेपालका जहाजले चीनमा उडान गर्न नपाएको  बारेमा पनि दुइ पक्षपविच छलफल भएको थियो । 

‘हामीले चीनका पाँच वटा विमान नेपाल आउने तर नेपाली विमानलाई चीनमा किन सहज प्रवेश नदिएको भन्ने प्रश्न ग¥यौं, उहाँहरुले चीनका विमानस्थल अत्याधिक चापमा रहेकाले स्लट दिन समस्या भएको र नेपाली जहाज चीन जान नदिनुको अरु कुनै कारण नभएको  जवाफ दिनुभयो ।’ नेपाल नागरिक उडड्नय प्राधिकरणका महानिर्देशक राजन पोख्रेलले भन्नुभयो । 

नेपाल आएका पाहुनालाई माउन्टेन फ्लाइटदेखि पोखरा घुमघाम

५६ औंँ एसिया प्रशान्त क्षेत्रीय नागरिक उडड्यन महानिर्देशकको सम्मेलनमा आएका धेरै पाहुनालाई नेपाल नागरिक उडड्यन प्राधिकरणले नेपालका विभिन्न ठाउमा घुमाएको छ । पाहुनाहरु नेपालको सौन्दर्यता देखेर खुसी भएको प्राधिकरणले जनाएको छ । 

‘नेपाल आएका धेरैलाई हामीले घुमायौं, अन्तर्राष्ट्रिय नागरिक उडड्यन संगठनका काउन्सिल अध्यक्ष ओलुमुयीवा बेनार्ड अल्यु सहितको टोलीलाई हामीले माउन्टेन फ्लाइट गरायौँ, उहाँ आफैमा पनि फोटोग्राफर हुनुहुने रहेछ, यहाँको सौन्दर्यता देखेर खुब खुसी देखिनुहुन्थ्यो ।’ प्राधिकरणका महानिर्देशक पोख्रेलले भन्नुभयो ।

यसपटकको सम्मेलनको ठुलो सफलता यहाँको पर्यटनको सम्भावनासँग पनि जोडिएको नेपाल आएका पाहुनाले नेपाल के हो भन्ने राम्रोसँग बुझ्न पाएका पनि पोख्रेलको दावी छ । 

३८ देशका ४ सय ११ जना सहभागी सम्मेलनमा नेपालले युरोपियन युनियन हवाइ सुरक्षा एजेन्सी, कोरिया, भारत, न्युजिल्याण्ड लगायतका  देश र हवाइ क्षेत्रसँग सम्बन्धित संस्थासँग नेपाली जहाजको उडान र नेपाली हवाइ क्षेत्र थप सुरक्षित बनाउन हुनसक्ने साझेदारीका विषयमा छलफल गरेको छ ।

Share:

Read More

भोकै मरे बचेरा ती

भोकै मरे बचेरा ती चारा जलेपछि
आगो पिई बाँचे कति धारा जलेपछि

निलोनिलो आकाश पनि भइदिन्छ कालो
टिलपिले यौटा सानो तारा जलेपछि

बालुवा नै टुक्रिदिन्छ सिसाको त्यो महल
निमुखाका मुठ्ठीभरि नारा जलेपछि

पक्कै कहीं हुन सक्छ केही उथलपुथल
सोच्नुहोस् है ! पानी-पानी रारा जलेपछि

कहाँ फुल्ला परिचय हामी नेपालीको
ढिक्काढिक्का माटो जति सारा जलेपछि

Share:

Read More

समाचार उपलब्ध गराइदिनुहुन ।

kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।

kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।

kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।

kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।kcbijay.com.np लाइ समाचार चाहिएकोले समाचार उपलब्ध गराइदिएर सहयाेग गरिदिनुहुन अनुराेध छ ।

Share:

Read More

पुडासैनी घटनाको १३ मिनेटको भिडियो परिवारकै सदस्यले दिएका हुन् : किशोर श्रेष्ठ

पाल्पा– प्रेस काउन्सिल नेपालका कार्यवाहक अध्यक्ष किशोर श्रेष्ठले पुडासैनी घटनाको भिडियो परिवारकै आफन्तले दिएको बताउनु भएको छ । 

परिवारकै सदस्यले भिडियो दिएको, भिडियो १३ मिनेटकै भएको भन्ने कुरा आफूले पटक पटक भन्दै आएको र त्योभन्दा दायाँ-बायाँ भए आफू कारबाही भोग्न तयार रहेको श्रेष्ठले बताउनुभयो । 

पत्रकार महासंघ, पाल्पा शाखाले शुक्रबार तानसेनमा आयोजना गरेको पत्रकार भेटघाट कार्यक्रमा बोल्दै उहाँले प्रहरीले प्रमाण लुकाउने शंकामा परिवारले प्रहरीबाटै घटनाको भिडियो लिएको र त्यो आफूलाई दिएको बताउनुभयो । ‘पहिले अरु कुनै अनलाइनलाई दिएको थियो, तर बाहिर आएनछ’, उहाँले भन्नुभयो, ‘त्यसपछि बल्ल मेरोमा आएको हो ।’ 

आफू संलग्न ‘जनआस्था’ पत्रिकामा समाचार छापिएपछि ‘नेपाल आज’ अनलाइन पत्रिकाले भिडियो मागेपछि आफूले त्यो भिडियो दिएको श्रेष्ठको भनाइ छ । भिडियो आएपछि मात्रै त्यहाँ नाम आएकाहरुलाई प्रहरीले पक्राउ गरेको भन्दै उहाँले आफू खोजी पत्रकारितामा रुचि राख्ने भएकाले सत्य तथ्य बाहिर ल्याउन पनि आफूले त्यसो गरेको बताउनु भयो । 

रवि लामिछानेसँग आफ्नो कुनै दुश्मनी नभएको तर उनीमाथि चार ओटा उजुरी परेपछि आफू प्रेस काउन्सिलको कार्यवाहक अध्यक्ष भएको र काउन्सिलले छानबिन गरेपछि प्रतिशोधको भावनाले आफ्नो रातो पासको बारेमा अनावश्यक टिप्पणी गरेको बताउनु भयो । 

कार्यवाहक अध्यक्ष श्रेष्ठले फेसबुककै कारणले ७० प्रतिशत अपराधका घटना बढेको बताउनुभयो । फेसबुककै कारण थुप्रैको घर बिग्रिएको, थुप्रैले आत्महत्या गरेको भन्दै श्रेष्ठले फेसबुकबाट हुने अपराधको घटना पनि डरलाग्दो रुपमा अघि बढेकोप्रति चिन्ता व्यक्त गर्नुभयो ।

सामाजिक सञ्जाल र पत्रकार एउटै हो भन्ने राज्यलाई लागेको भन्दै अध्यक्ष श्रेष्ठले त्यो कुरा सच्याउन आफूहरु क्रियाशील भएर लागेको बताउनुभयो । 

अख्तियारले खोजबिन र अनुसन्धान गरेकै भरमा सामाजिक सञ्जालमा भ्रष्टाचारी समातियो भनेर समाचार आउने क्रमले केही सरकारी कर्मचारीले अनाहकमा आत्महत्या गरेको घटना पनि घटेको श्रेष्ठले बताउनुभयो । 

Share:

Read More

पाँच वर्षभित्रमा देशले काँचुली फेर्छ: सञ्चारमन्त्री बाँस्कोटा

अर्घाखाँची - सञ्चार तथा सूचना प्रविधिमन्त्री गोकुल प्रसाद बाँस्कोटाले सरकारले समृद्धिको जग हाल्ने काम पूरा गरेको बताउनुभएको छ ।

अर्घाखाँचीको शितगंगा नगरपालिकाको ठाडामा रेडियो शितगंगा तथा खुल्ला तीज गित प्रतियोगिताको शनिबार उदघाटन गर्दै मन्त्री बाँस्कोटाले जनताको विश्वासलाइ वर्तमान सरकारले कुठाराघात र बेइमानी कहिले पनि नगर्ने बताउनु भयो । 

देशमा राजनीतिक क्रान्तिको अध्याय तथा समृद्धिको जग बसाल्ने काम सकिएको बताउँदै उहाँले पाँच वर्षभित्रमा देशले काँचुली फेर्ने बताउनु भयो । समृद्ध नेपाल सुखी नेपाली बनाउने दिशामा सरकार अगाडी बढेको बताउनु भयो । 

सरकारले विकास गरेन भनेर भन्ने दुस्प्चार भैरहेका बताउँदै सरकारले गरेका कामलाइ राम्रोसँग नियाल्न पनि आग्रह गर्नु भयो । रोपेको धान पाक्न त तीनदेखि चार महिना लाग्ने बताउँदै सरकारले गरेका काम झ्याप्पै नदेखिने बताउनुभयाे ।  

आम नागरिकलाई सचेत बनाउने काम पत्रकारहरुबाट हुन नसकेको गुनासाे गर्दै मन पत्रकार आचारसंहिताभित्र रहेर कलम चलाउन पनि पत्रकारहरुलाइ आग्रह गर्नुभयो । सञ्चार मन्त्रीको गाडीले कपिलवस्तुमा मयुर हानेको भन्नेजस्ता गलत प्रचार नगर्न पत्रकारहरुलाइ आग्रह गर्नुभयो ।

Share:

Read More

श्रीलंकाले पाकिस्तान गएर टी-२० र एकदिवसीय शृङ्खला खेल्ने

श्रीलंकाले पाकिस्तानमा सिरिज खेल्ने भएको छ । २००९ मा श्रीलंकन टोलीमाथि आतंकवादी हमला भएपछि श्रीलंका पाकिस्तान गएको थिएन । अन्य देशले पनि पाकिस्तान गएर खेल्न अस्वीकार गर्दै आएका छन् ।

सेप्टेरम्बरमा श्रीलंकाले पाकिस्तानमा एक दिवसीय र टी-२० खेल्ने तय भएको छ । जसमा तीन एक दिवसीय र तीन टी–२० समावेश गरिएको छ । श्रीलंकाका खेलमन्त्री हारिन फर्नान्डोले भने ‘सीमित ओभरको क्रिकेटका लागि टिम पाकिस्तान पठाउन तयार भए पनि टेस्ट सिरिजका लागि टिम पठाउने अवस्था छैन ।’

श्रीलंका र पाकिस्तानबीचको टेस्ट सिरिज भने यूएईमा हुने सम्भावना बढी छ । पाकिस्तानमा आतंकवादी हमला भएपछि पाकिस्तानी टिमले यूएईमा अन्तर्राष्ट्रिय तथा घरेलु सिरिज आयोजना गर्दै आएको छ ।

सेप्टेम्बर–अक्टुबरमा  खेलिने तीन टी–२० र तीन एक दिवसीय क्रिकेटमध्ये  टी–२० लाहोर र एक दिवसीय कराँचीमा हुने छ ।

Share:

Read More

My Photos

Share:

Read More